NEW DELHI, NOVEMBER 30 : Khor te jula laga LPG Cylinder laga daam toh Friday din Rs. 6.52 pora komti kuridese. Etubi 1 ta LPG Cylinder te. Aro etu komti huijaa toh dail laga daam Market Rate hisabte komti huijaa karne ase. Etu karne edia toh National Capital New Delhi te Railer kan hisabte etu LPG Cylinder 14.2 kg bhari laga daam boila Rs. 507.42 thaka Rs. 500.90 huijaise. Etubi Friday rati (Midnight) pora suru kurikena koi kena, Indian Oil Corp (IOC), ami kan desh laga sobse dangor dail Retailer pora khobor te janaise.
Etu LPG Cylinder laga daam komti huijaa toh 6 moina daam besi uthejai kena thaka bejete hui ase. Etubi June moina 2018 sal pora suru kurikena daam uthe kena thaka bejete. Aro etu LPG Cylinder 1 ta ke etu 6 moina majutte daam utha toh Rs. 14.13 huikena thaka laga ase koise.
IOC pora koa hisabte Non-Subsidised/Market Priced LPG daam toh (Rates) Rs. 133 pora komti kuride kena ase. Etubi 1 LPG Cylinder te. Aro etu daam namijaa toh International Oil daam nama aro India desh laga Poisa utha karne ase koise. Etu karne Delhi te edia toh 14.2 kg bhari LPG Cylinder 1 ta ke Market daam hisabte Rs. 809.50 huijai kena ase koise. Etubi boila Rs. 942.50 1 ta LPG Cylinder te manga pora. Aro etu komti huijaa toh Delhi te December, 2018 pora suru hui ase koise.
Add Comment