Headlines

Purana US President George H W Bush morise

December 2, 2018

Washington, 1 December: US laga 41st President George H.W. Bush (94 sal) toh Houston jaga deh morise koikena tai laga khor manu pora Saturday din janaise. Jeb, Neil, Marvin, Doro, aro ami toh ami khan laga morom baba 94 sal deh mora laga khobor janaidebole ektum mondukh ase koikena Bush’s laga bacba aro purana US President George W. Bush pora janaise. Khor manu khan pora khobor najanaideya agae deh, Jim McGrath pora tweet deh purana President’s toh Friday din morise koikena janaideya thakise. Bush Sr. Toh tai laga maike Barbara Bush (73 sal) morikena eight moina nahowah agae deh morise. Tai mora toh key karni morise joldi jani napai kena ase. The Washington Post khobor hesab deh, George Herbert Walker Bush June 12, 1924 Milton, Massachusetts jaga deh johnom powah laga ase. Tai toh tony Greenwich, Connecticut jaga deh dangor howah laga ase aro tai toh Prescott Bush aro Dorothy Walker laga five bacha majode second wala ase. Tai laga baba toh Ohio native aro business executive thakise aro Wall Street banker howah thakise. Tai Connecticut pora senator be thakise. Tai laga ama toh Maine jaga laga ase aro banker laga maike bacha thakise. 1944 sal Second World time deh George H.W. Bush toh fighter pilot thakise. Tai 1989 pora 1993 tak US laga 41st President thakise. White House deh thaga time deh bush Sr. toh Cold War, first Gulf War and invasion of Panama, Soviet Union aro Germany reunification dekha thakise. Military aro diplomatic deh para bechide, tai re-election deh napara thakise aro 1993 sal deh, tai pora White house toh Bill Clinton logode deya thakise. Aro Boston, Texas jaga deh, tai laga maike logode eki retire howah thakise. Purana President toh Parkinson’s bemari pora dukh pai thaga ase. Etu pora jai-ja olob sal time deh, tai toh wheelchair deh thakibole ola thakise. Tai sash thek pora lobole napara karni be besi par hospital deh jabole ola thakise. April moina, tai laga maike laga furneral bechide, tai laga khun (blood) deh infection pheli kena thaga karni sha (treat) thakise.