Kohima, 01 December: Saturday din Secretariat Plaza, Kohima jaga deh Nagaland laga 55th statehood day toh phal pora manaise. Event time deh Chief Minister of Nagaland, Neiphiu toh Nagaland nemide dukh kora baba khan ke jaat kori kena kushi powah kotha janaideya thakise. Jaija Nagas laga kahani tai pora kowah toh, British pora Naga Hills district toh 1866 sal headquarters logode Samaguting jaga deh bonaise, aji kali etu jaga toh Chumukedima ase. 1876 sal headquarter toh Wokha jaga deh shift kora thakise aro last deh headquarters toh 1876 sal Kohima jaga deh shift howah laga ase. 1918 sal Naga Club bona thakisea aro Simon Commission logode memorandum toh 10th January 1929 deh potha (send) thakise. Etu memorandum toh, British India pora constitutional reforms plan korikena thaga pora alag hoijabo koikena demand kora laga ase. Government of India aro Naga People’s Convention majode 16 Point agreement of 1960 signed kora pora political issue phal koribole first kosish korise. Nagaland laga interim body toh Governor of Assam, General Shrinagesh pora 18th February 1961 deh inaugurate kora ase. 28th August 1962 deh, constitution 13th Amendment act 1962 toh parliament pora passed kora thakise aro president pora Nagaland bill 1962 toh 4th September 1962 deh mana thakise. Etu pora Nagaland toh Indian union laga 16th state howah thakise. 1st December 1963 deh, India laga President Dr. S. Radhakrishnan pora Nagaland toh Indian Union laga 16th State inaugurate kora thakise. Even din deh Chef Minister pora founding father logode respect dese aro biswas kori ase aro prathna kori ase, tai khan laga vision, principles, sacrifices aro hard work pora ahhibole din time deh be ami khan logode rasta dekhai kena agae jai thakibo karni. Statehood bechide, naga groups aro armed forces majode chamala hoi thaga pora besi manu mora thakise koikena Rio pora janaideya thakise. Government of India pora be naga laga unique history deh jana thakise aro etu culture deh political settlement lagi thakise. Rio pora be, ami khan laga society nemide peace talk kori thaga sob Naga National Political Groups (NNPGs) aro tusara khan logode kushi powah kotha janaideya thakise. 11th May 2018 deh, Political Affairs Committee (PAC) logode PDA legislators toh naga tribal Hohos aro civil society organisations logode join howah thakise. Aro etu solution deh paribo karni sob Naga political groups logode peace talks deh join hobole janaideya thakise. People’s Democratic Alliance (PDA) government toh kotha pora agreement korikena Indo Naga Political issue toh joldi thek koribole kori ase. Rio pora health sector deh kowah toh, Friday deh Nagaland pora measles Rubella Vaccination Campaign lowah toh 97.5% par hoi kena kothom hoise. Etu par he ami khan laga state pora 11th Global Agriculture Leadership Award 2018 laga besi Horticulture state award paise. Etu toh state laga horticultural activities deh notun idea jolai kena puti kora pora powah laga ase. Law and order situation deh, ami khan laga state toh law and order deh phal thek pora rakha karni India Today Conclave of state deh best state award paikena ase. State pora be state laga investment othabo karni Investment and Development Authority of Nagaland (IDAN) olaise. Etu par 15th Finance Commission toh ami khan laga state deh ahha thakise aro ektum phal pora host kora thakise. Parade deh sob melikena seven contingents hesha lowah thakise. Nagaland police pora ektum sundor aro phal Drill toh 9 IR Mahilla Bn aro Weapons Handling pora kora thakise. Etu bechide Para Motor, Corporal, Vishal Kumar pora petal droping aro Indian Air Force pora sky diving kora thakise. Seventeen tribes pora tai khan laga unique cultural performances kora thakise. Cantamus Choir pora “A ra Kezivi” gama toh Baptist High, Bethel Higher Secondary, Northfield aro G. Rio Schools laga student khan logode kora thakise.
Nagaland laga Statehood Day deh PM, President pora kushi janaise
Nagaland Statehood Day mana deh President Ram Nath Kovind aro Prime Minister Narendra Modi pora Nagaland laga manu khan logode kushi janise. Tweet deh, Kovind pora State laga manu khan, bright, prosperous aro peaceful future thakibo karni tai laga besi wishes janaideya thakise. Tweet deh Prime Minister Narendra Modi pora be Nagaland laga development aro goal toh parijabo karni tai laga pradhna janaideya janaideya thakise. Information and Broadcasting Minister Col Rajyavardhan Rathore pora be wish korikena, state toh ahhibole din time deh growth aro prosperity laga rasta deh perabole biswas kori ase koise. Tusara khan tweet deh wish kora khan toh Defence Minister Nirmala Sitharaman, Minister of State for Home Kiren Rijiju and of Arunachal Pradesh Chief Minister Pema Khandu aro Manipur’s N Biren Singh thakise.
Add Comment