GUWAHATI | JANUARY 23: All Assam Students’ Union (AASU) logote 30 nisina indigenous organizations khan Assam laga Latasil playground te Citizenship Amendment Bill logote khilaf protest koribole jamma korise.
Tate manu khan etu Bill logote khilaf ‘Bajra Ninad’ protest rally te hisa lobole ahise, Assamese singer, Zubeen Garg bi etu rally te hisa loise.
Citizens khan etu rally te hisa lowa khan pora etu bill logote khilaf koribole enika slogans jolai ae ki “Himanta Biswa Go Back”, “Ei Jui Jolise, Joliboi”, “We Want Justice”, “No Justice No Rest”. Tai khan pora besi jor pora Assam Governmant ke etu logot maaniya karne bodnam korise, aro Chief Minister Sarbananda Sonowal ke etu nam dise ‘jaatir khalnayak’.
Cotton University laga student khan pora protest kora samoy te etu koise “Moi khan pora etu Bill ke ketiya bi power te ahibo nadibo. Moi khan etu nisina protest toh etu Bill nahatiya tak koribo.”
Nalbari aro Jorhat nisina Assam laga aalag-aalag jakka pora citizens khan ahiye kena etu rally te hisa loise aro etu Bill logote khilaf “Joi Aai Axom” nisina janai diya kotha lekhise.
Add Comment