AIZAWL, January 23: Mizoram laga NGO Coordination Committee, civil societies aro students’ bodies laga ekta umbrella organisation, pora Citizenship Bill logote khilaf Republic Day laga deyohar namanaibole koise, etu committee laga chairman Vanlalruata pora koise.
NGO Coordination Committee laga meeting bicche te diya press statement te koise ki, Lok Sabha pora etu khatarnak Citizenship (Amendment) Bill, 2016 toh manu khan sob jakka pora besi khilaf kori kena bi pass korise.
“Etu bill karne aro besi dagot protests laage,” etu koise.
Sob government employees, students aro general public toh January 26 te organize koriya Republic Day laga functions pora door thakibo, tai khan pora koise.
Etu Citizenship (Amendment) Bill, 2016, Lok Sabha pora January 8 te pass koriya toh, Bangladesh, Pakistan aro Afghanistan laga non-muslims khan ke eku kakoz thik nathaki lebi 6 saal India te takiya bicche te Indian citizenship pabo karne ase, etiya laga kanun hisabte toh 12 saal bicche te pabo.
Etu bill toh Rajya Sabha pora olaibole rukhi ase.
NGO Coordination Committee pora Mizo Zirlai Pawl (MZP), sobse dangor Mizo body, pora kali pura state te protest rally thakibole kowa ke monjur korise. Etu protest toh legislation logote khilaf koribole ase.
Add Comment