IMPHAL/MUMBAI, January 23: Manipur Police pora Tuesday te Imphal airport te budget carrier IndiGo laga cargo warehouse pora 20 kg ganja torise, official release laga hisab te.
IndiGo, pora statement te etu khatna howa maanise aro koise ki tai khan laga staff members pora etu nahowa bostu toh cargo rakhiya jakka te thakiya shaakt korise aro opor laga manu khan ke khobor korise.
Etu bondh kora bostu toh saman rakhiya jakka te sabji laga majote lokai kena thakise aro Manipur Narcotics and Affairs of Border (NAB) laga officers khan khan pora paise, release pora koise.
“Khobor powa bicche te, NAB laga ekta team pora 20 kg ganja toh January 22 te paise, etu toh sabji laga baggage majote lokai kena Imphal Airport te IndiGo laga cargo warehouse pora paise,” etu release pora koise.
“IndiGo pora koise ki aji bhojor te Imphal airport te cargo screening kora samoy te, moi khan laga staff pora etu bondh kora bostu thakiya toh shaakt korise,” etu airline laga spokesperson pora statement te koise.
Etu laga case register korise aro investigation toh jalu hoise, etu official release te koise.
Add Comment