January 23: Prime Minister, Narendra Modi pora loikena Union Cabinet pora aji (23.01.2019) Article 280 aro constitution laga Sixth Schedule laga amendment ke maanise. Etu amendments laga sobse dangor kotha toh etu ase ki Assam, Meghalaya, Mizoram aro Tripura laga Autonomous District Councils laga financial resources aro administrative powers toh besi kori dibo, etu toh North Eastern States laga jaati manu khan laga pohoila pora iccha ase.
Union Government laga Finance Commission pora etiya kanu bonabo ki poisa(financial resources) toh Sixth Schedule jakka laga dosta Autonomous District Councils aro bosti aro municipal councils khan ke dibole. Etu pora pura khel toh podli koribo kile koile etu jaati laga jakka te development laga kam khan koribo nimite etu local government khan ke poisa toh aram pora ahibo. Etu amendment toh Assam, Meghalaya, Mizoram aro Tripura states laga Finance Commissions khan karne bi ase.
Etu amendments pora Government of India, Assam aro Meghalaya laga State Governments, United People’s Democratic Solidarity(UPDS), Dima Halam Daogah(DHD) aro Achik National Volunteers’ Council (ANVC) khan laga majote sign koriya Settlements laga tripartite Memorandum laga wada toh pura koribo.
Etu amendments pora etiya thakiya autonomous councils khan laga naam enika podli koribole koise ki Karbi Anglong Autonomous Territorial Council (KAATC), Dima Hasao Autonomous Territorial Council (DHATC), Garo Hills Autonomous Territorial Council (GHATC), Khasi Hills Autonomous Territorial Council (KHATC), Jaintia Hills Autonomous Territorial Council (JHATC) aro Tripura Tribal Area Autonomous Territorial Council (TTAATC), kile koile etu councils khan laga raj toh ekta district pora opor te ase.
KAATC, DHATC, GHATC, KHATC aro JHATC laga seats bi othai dibo.
Add Comment