Srinagar, 30 August 2025: Aru 11 jon, juntu majot 7 jon ekta family laga member khan ase, landslide aru cloudburst hua karone mori jaise Jammu aru Kashmir laga Reasi aru Ramban district khan te.
Reasi district laga Mahore area te, Baddar village te Nazir Ahmad (38 saal) laga ghor opor te rati time te landslide ahise. Ahmad, tai laga wife aru tai laga 5 ta baccha, juntu laga age 5 pora 13 saal tak thakise, sob mori jaise jetiya ghor collapse kori jaise. Rescue team khan mati aru debris laga niche para dead body khan recover kori lobo parise.
Dusra ekta incident Ramban district laga Rajgrah village te hua – ekta cloudburst ekta school ke hit korise, aru flash flood aru landslide trigger kori dise. Etya 5 jon ke loi jai dise aru bisi ghor damage kori dise.
Dead body khan majot Om Raj, Vidhiya Devi, Dwarka Nath aru ekta nam najana thaka victim recover kori loise. Ekjon aru missing ase, mori jaa laga asha rakha jaise.
Etu incident khan ekdom extreme weather condition majot ahi ase, jun pichla week khan te region ke destroy kori thakise aru 160 para besi manu laga jibon loi jaise, majot bisi pilgrim khan bhi ase.
Infrastructure damage bhi bisi serious ase. Train service Katra (Jammu) para baki desh logot 5 din para bandh ase. Srinagar-Jammu National Highway bhi close ase, karon multiple jagah te bisi damage hoise. Official khan koise, ketia road reopen hobo clear nai.
Sob government aru private school khan Jammu division te 30 August tak bandh thakibo. Etu decision alarming report anek district para pai kene lobo paraise, jun karone school laga operation disturb hoise.
School Head khan ke advise korise online class consider koribole, especially Class 9 para 12 students khan karone, jodi thik infrastructure aru internet connectivity available thake.
Thursday din, Jammu aru Kashmir laga Chief Minister Omar Abdullah flood situation review kori loise aru damage opor te concern express korise. Tai koise ki Union Territory ekta bisi dangor crisis para narrowly escape kori loise.
ANI logot kotha kura time te, Chief Minister 2014 laga devastating flood logot comparison korise aru koise jodi aru 1-1.5 din pani kurishe koile, situation bisi biya hobo thakise.
“Etya pani recede kori suru korise… Kintu agete moi nijor officer khan logot meeting lobo lage, bujhibole ki 2014 laga flood para ki ki kaam kora hoise. Jodi dui din pani kira para enika biya laga situation ahi ase, tate jodi 4 din hoise koile, situation 2014 ke bi biya hobo thakise. Ami khan nijor shortcomings opor stock lobo lage, karon ami sob time fear majot thaki bo na paribo,” CM Abdullah koise.
Add Comment