New Delhi, 30 August 2025: Supreme Court Friday din ekta observation te Centre ke hotise, ki India bhi US nishina border wall banabo mon ase naki, illegal immigrant khan ke entery na dibo karone.
Top court Centre ke apprise koribo koise ki standard operating procedures (SOP) ki ase government khan laga, illegal migrant khan deport koribo karone, especially Bangladesh te.
Apex court laga tin judge bench – Justice Surya Kant head kori thaka, aru Justice Joymalya Bagchi aru Justice Vipul M Pancholi bhi thaka – ekta petition honise West Bengal Migrant Welfare Board (WBMWB) para, juntu allegation dise ki Bengali speaking migrant worker khan ke detain kori ase suspicion opor te ki tai khan Bangladeshi national ase.
Solicitor General Tushar Mehta, jun Centre laga taraf para represent kori thakise, WBMWB laga petition opor te object korise aru hotise ki karone aggrieved party khan court te present nahoi.
“Etu nishina petition court te entertain na koribo lage, karon organisation aru association khan file kori thake, juntu state government support kori thakibo pare. Aggrieved party court te nai. Ami jane, kinika ekta state government illegal immigrant opor te thrive kori thake. Demographic change serious issue hoi jai ase,” tai koise.
Kintu bench Mehta ke koise, maybe etu karone aggrieved manu khan apex court te reach koribo na pare, resource na thaka karone. Kintu Mehta reply korise, aji “public spirited person” (Bhushan ke directly refer nakuri kena) help koribo lage, aggrieved manu khan ke court te loi ahi bole. Tai koise, US te bhi illegal immigration dangor issue ase, aru tai manu khan ke help kori thake.
Bhushan allegation korise, ki Bengali speaking manu khan ke uthai lobo aru force kore kena Bangladesh te push kori thake.
“Etu laga consequence ekdom drastic hoi… kabhi BSF manu khan bhi koi – ‘tumi alak side run na korile, ami shoot koribo.’ Aru Bangladesh Border Guard bhi threaten kori thake aru koi – ‘alak side run na korile, shoot koribo’,” Bhushan koise.
Add Comment