Mokokchung, 12 October: Thusday deh 13th Imchaba Master Memorial Nagaland Open Volleyball Trophy laga final toh Multi-purpose Indoor stadium, Mokokchung deh khelise. Mokokchung District Volleyball Association (MDVA) pora tournament ola deh Sakutemjen Memorial Club, Chungtiayimsen pora Changtongya Volleyball Association logode haraide kena Trophy toh lobule parise. Etu pora tai khan jeta toh second par wala hoise. Third aro fourth jaga toh Sporting Club, Koralong aro Lakhuni Sporting Club pora loise. Closing function toh Er. Tsuktinungsang, Chief Engineer Dept. of Water Resources pora grace korise. Closing function deh Patron pora volleyball khel laga katha kotha janaideya thakise. Tai pora game toh YMCA Physical Education Director, William G. Morgan pora 1895 sal deh suru kora ase, etu bechide Olympic event hoise aro etya universal sport event hoise. Etu agae function time deh, Lakhi Longkumer, President MDVA pora vote of thakise janaideya thakise aro Talipokum pora special song gaa thakise. Function laga Patron pora Trophy aro individual award toh jeta khan ke deya thakise. Individual jeta khan toh, Man of the Tournament toh Sakutemjen Memorial Club Chungtiayimsen laga Tongpangsunep pora jetise. Best Setter toh Sakutemjen Memorial Club Chungtiayimsen laga Imsuwar pora jetise. Aro Best Spiker toh Changtongya Volleyball Association laga Imkongsanen pora jetise.
Add Comment