Sharad Kumar pora gold jetise

Agencies, 11 October: Thursday din Asian Para Games laga men’s high jump T42/63 category deh defending champion Sharad Kumar pora gold jetise. 26-sal khelari Sharad Kumar pora 1.90m jump mari kena Games record bonaise.  Silver toh Rio Paralympic bronze-medallist Varun Bhati (1.82m) pora loise aro bronze toh Rio gold-medallist Thangavelu Mariyappan (1.67m) pora loise. Bhati’s pora jump mara toh tai laga season’s best kosish ase. Bihar laga Sharad toh tui-sal bacha thaga time deh left leg paralysis hoi kena dukh pai thakise ase. Etu agae men’s F46 category deh Indian javelin thrower Sundar Singh Gurjar pora silver medal jeta thakise. Etu time deh two-time Paralympic gold-medallist Devendra Jhajharia toh fourth de kothom howah thakise. Etu even dehe Rinku pora bronze medal lowah karni India toh podium deh agae thakise.  Men’s 400m T13 category deh Avnil Kumar pora be bronze lobule parise. Javelin throw deh Gurjar pora silver medal lobule para toh fifth par kosish kora deh 61.33m pora ase. Game suru nahowah agae deh Gurjar toh 22 din Finland deh training lowah ase. Rink pora bronze toh 60.92m pora loise aro gold toh Sri Lanka’s Dinesh Herath(61.84m) pora lowah thakise. Men’s 400m race deh, Avnil Kumar pora bronze toh 52sec de lowah thakise. Etu even deh gold toh Iran’s Omid Zarifsanayei (51.41sec) pora lowah thakise. Women’s 400m classification deh Radha Venkatesh pora bronze medal loise aro swimming deh, Swapnil Patil pora bronze toh men’s 400m freestyle S10  laga deh loise.