NEW DELHI, NOVEMBER 3 : Union Minister Harsimrat Kaur Badal aro Shiromani Akali Dal (SAD) President Sukhibir Singh Badal 2 jun ke Saturday din Police pora thuridese. Kele Delhi te 1984 Anti-Sikh Riots chamala te mura khor manu nemite kotha manabole kuribi koi kena Protest mana karne.
Etu Protest mana toh etu Badals 2 jun pora ahkete luijaide kena mana laga ase. Etubi Gurdwara Rakabganj Sahib jaka pora suru kurikena Parliament Street Police Station, Central Delhi dak.
Etu Protest mana time te khobor kura manu kan ke kotha kurikena Harsimrat Kaur Badal pora tai kan Community kan etu nahua chamala 1984 te hua nemite thik pora husir laga action manabole kuribole janaide kena thakise. Etubi 34 sal pura. Huilebi edia dak eku action manaide kena nai koi kena janaise. Tai bi etu nahua chamala te Sikhs manu kan besi junk e muraide kena thakise. Etubi besi jun maiki ke rape kurikena aro besi jun manu kan khor nathaka huijai kena. Aro etu nesena nahua chamala toh India desh te ekta nahua kahani laga ase koi kena janaise. Etu karne tai kele Judiciary kan action manabole nakuri koi kena kotha huthese koise.
Add Comment