GAYA, BIHAR, NOVEMBER 3 : 33 sal dangor Australian desh moda gaas te roshi pani murikena baise. Etubi Bihar state laga Bodh Gaya, ekta bhal jaka Buddhist Pilgrimage laga aro tusera desh pora Tourist nemite aha jaka te. Aro Police kan pora bi etu moda mura jaka te tai neju mura kotha lekha (suicide note) bi baise koise. Etu ke tai didi laga phone number bi lekhe kena thakise aro etu number call kurikena tai murijaa khobor janaidebi koi kena lekhe baise koise.
Etu moda laga naam toh Heath Allan ase. Aro tai Australian desh laga Sydney, Westmead jaka te thaka manu ase. Aro tai mura kao toh Friday pujut phale kunoba locals manu kan jungle te berai thaka time te baa laga ase. Aro etu murijaa kao dekhe kena etu Local manu kan pora Police ke eneka khobor kura laga ase koise.
Tai mura jaka te bi tai laga bag, diary aro pani bottle kan baise. Aro tai laga mura kao toh Anugrah Narayan Magadh Medical College aro Hospital, Gaya te sabole luijaide kena ase koise.
Add Comment