“BetiBachaoBetiPadhao” 2019 ke support korikena 1stBhandari Sub-division Departmental Sports meet toh 7th February 2019 te Public Ground, Bhandari Town te shuru hoise.
Opening ceremony programme te kotha korikena, ADC Bhandari, Tiameren Chang pora koise ki etu toh government servants khan karne ekki logote ahikena ekjun ke mon dangor korikena aro dagot diye kena society nimite bhal kam koribole besi bhal moka ase. Tai pora sob manu ke bi maati kena koise ki khali kotha pora hi nahoi kena nijor laga mon diye kena aro aatma pora bacha maiki ke support koribole, pajaibole aro educate koribo karne.
Sob milai kena 21 departments toh etu meet te hisa loi ase. Oath lowa toh Match Official,James Yanthan pora korise. Shuru koriya kotha aro welcome koriya kotha toh SDPO & Convener OrganisingCommittee, Yanbemo Humtsoe pora korise.
APRO Bhandari, Lily Ngullie pora ekta special number dise. Etu programme laga chairperson toh RenbomoYanthan, GT GHS Bhandari thakise.
Pohoila football match toh departments of CDPO, Medical,SIB & SBI khan “Team A” karne aro District Administration, Police & Assam Rifles khan “Team B” karne, tweijun laga majote te khelishe, District Administration, Police & Assam Rifles khan 4-0 goals pora jitise. Etu sports meet toh 9th February 2019 te khotom hobo.
Add Comment