BIRMINGHAM, England (AP): Wednesday te Glenny Murray para extra time te dui bar goal mari kena Brighton ke FA Cup laga fifth round te pungchai dibole modot kurishe. Brighton para West Bromwich Albion khilaf te 3-1 para match jeetishe.
Murray toh 101st minute te substitute bench para ahishe. Aro khali teen minute pichete Brighton ke West Bromwich laga agay te kuri dishe. Aro 117th te aro ekta goal mari kena Brighton nimite game seal kurishe.
West Brom nimite Kyle Bartley para 77th minute te goal de kena West Bromwich Albion kea gay kuri dishe. Hoile bhi Brighton laga Florin Andone para match khotom hubole khali aath minute he bachi kena thaka samay te game toh level kuri dishe.
Etu moina olop deri pichete Brighton toh host Derby khilaf te round of 16 te khelibole ase.
Add Comment