Agencies: Jua bar City toh Newcastle logote match hara nimite defending champions toh Liverpool para saath points para pichete thakishe. Hoile bhi Liverpool toh bar bar draw kura nimite Jurgen Klopp laga side para City nimte agay jabole darwaza khuli dishe. Aro City toh Premier League laga table top te jabole nimite pura advantage uthaishe.
Everton opor te jeeta nimite City toh table laga top te wapas ahi jaishe. City toh table top te goal difference nimite ahi jaishe. Etiya City toh Liverpool paa ekta match bishi kheli kena ase.
Newcastle laga khilaf te City hara pichete City laga title hopes toh komti hoi thakishe. Hoile bhi Guardiola toh tai laga side ke bishi pressure de thakishe aro City ke give up kuribole diya nai.
Guardiola koishe olop din agote ami khan leaders Liverpool para seven points pichete hubole thakishe. Hoile bhi etiya ami khan league laga top te ase. Sob para bhal kotha aro lesson toh ketiya bhi give up nokuribi.
Etu toh sob athletes khan nimite dangor lesson ase. Jeetibole kosis kuri thakibi, Kile koile jeevan toh achanak bodoli huboe paray.
Guardiola koishe ami khan khela toh narukhi kena lagatar kheli jai thakishe. Ami khan toh champions hoi kena ahishe, ami khan etiya enika situation te ase ke ek bar toh ami khan pura chari kuribole thakishe. Hoile bhi ami kjhan give up kura nai.
Ami khan Liverpool laga khilaf te ekdam incredible game khelishe. Jua dui saal para City laga players khan para ekdam incredible desire aro performance dishe.
Ami khan Liverpool paa ekta bishi game khelishe. Hoile bhi ami khan nijor laga best dishe. Hossa kotha toh ek moina agote ami khan Liverpool khilaf te dos points pra pichete hubole thakishe.
Defender Aymeric Laporte para City ke half time nohuwa agote Everton opor te kuri dishe. Aro Gabriel Jesus para match laga last minute te aro ekta goal mari kene City ke jeetai dishe.
Add Comment