Hong Kong: Hong Kong police para pro-democracy Apple Daily newspaper laga duita exeutive ke Friday din te charge kurishe ekta kara wala nutun security law chulaikena etu bi ek din akhe te company laga newsroom para tai khan article ola te raid maraa pichede.
Police para koikena janaishe ki ekta 47-year-old aro 59-year-old ke charge kurishe foreign desh logote collusion kura nimete nohoile toh external elements log ote etu bi national security ke endanger kuribole nimete.
Apple Daily para koikena janaishe etu duita charged executive khan toh chief editor Ryan Law and CEO Cheung Kim-hung khan ase.
Komti hoilebi 500 officers khan paper laga newsroom te jaishe Thursday din te etu bi computers aro notepads khan evidence bags te rakhikena.
Authorities para koikena janaishe etu operations toh article nimete olaishe kuntu para china laga nimete sactions khan mang ishe.
Etu toh akhe bar ase etu articles khan hong kong te ola toh arrest khan hoishe etu nutun law bithior te kuntu para dissent uporte crackdown khan kurishe international business aro media hub te.
Five Apple Daily executives khan ke etu operations te thurishe.police para koikena janaishe etu bachikena thaka tinta toh custody te ase aro sawal khan kuri ase.etu duita charge executive toh court te Saturday phujur te thakibo.
Komti hoilebi 100 manu khan ke thurishe etu nutun security law bithor te etu te china khan para hong kong uporte kura toh ek sal akhe te etu bi dissent khan olabole nimete etu bi dangor democracy protest samay te.
Komti hoilebi 60 manu khan ke charge kurishe aro bishi wala ke toh bail dianai.
