JERUSALEM: Israel para komti hoilebi one million doses of Covid-19 vaccine nishena Palestinian authorities khan ke dibole ase etu bi bodli kuribole nimete tai khan laga expiry huwa samay te khotom huwa pichede.etu khobor toh Israeli prime minister para Friday din te koikena janaishe.\
Prime Minister Naftali Bennett’s office para defence and health ministries l lohgorte joint stratement dikena koikena janaishe ki”Israeli para ekta agreement sign kurishe Palestinian authority log ote aro komti hoilebi one million doses Pfizer vaccine expire hobole thaka toh dibole ase.”
Statement te koikena janaishe Israel khan wapas te doses khan pabo Pfizer toh phutabole thaka toh Palestinian authority khan nimete.”
Palestinian Authority, west bank te thaka toh etu deal nimete eman joldi para kotha khan kuranai.
Israel toh etu eki amount doses Pfizer toh pabo September –October 2021 te etu bi Palestinian Authority l laga hisaab te.” Israeli statement para koikena janaidiya thakishe.
Etu agreement kura toh etu vaccines laga stock saa hisaab te thakishe Israel khan logote thaka toh etia laga hisaab te thakishe.
Israel para ekta vaccination campaign shuru kurishe etu bi Pfizer-BioNTech vaccine laga millions nishena doses paa pichede.
Komi hoilebi 55 percent Israel population etu te 5.1 millions manu khan etu vaccine laga duita dose bi paishe.
Palestinian side te komti hoilebi 260000 manu khan tai khan laga duita doses west bank aro gaza strip te paishe.etu khobor toh Palestinian health authority para koikena janaishe.
Wednesday to Thursday te 170 nishena nutun covid19 cases toh west bank aro gaza te paishe etu bi total toh etu pandemicx shuru huwa samay para 312,000, 3,540 te thakishe.
Israel te 25 nutun cases toh Thursday para Friday tak paishe etu para total cases toh 840000 te anise etu te 6420 manu khan murishe.
Etu deal huwa toh jewish state aro Palestinians khan majhotte chamela huwa samay te hoishe etu te ceasefire toh namana thaka nimete Israel aro gaza hamas rulers khan majhotte etu toh May 21, para shuru kurikena etu 11 din laga ladai toh khotom kurishe.
Etu pichede Thursday din te Israeli f ighter jets khan airstrikes khan kurishe gaza te dui bar wala etu ceasefire huwa pichede.etu military para koikena janaishe tai khan jawab di thakishe tin din nimete ballons khan shuru kurikena Palestinian enclave para.
Gaza te coronvirus response toh namijaishe juwa moina laga ladai para etu para infrastructure biya kurishe aro pura tower blocks toh dhunga olaikena khotom kurishe.
