Dimapur, 10 October: 26th Loyem memorial Trophy laga opening match toh Sangzi FC aro Pisgah United FC majode khelise. Khel toh defending champion Sangzi FC pora 4-1 score pora jeti loise. Tournament laga first goal toh Sangzi FC nemide Johnny pora ninth minute de thakise. Tai pora arobe tusara goal toh 53rd minute deh thala thakise. Aro bachi thaga goal toh Benjamin aro Likokmong pora thala thakise. Pisgah United pora ekta goal toh Menya pora thala thakise. Etu agae opening ceremony time deh special guest Alemtemshi IAS Rtd, CEO, Investment and Development Authority of Nagaland toh jaija 48 sal GHSS Tuensang deh pori thaga yaat korise. Aro tai Loyem Memorial Ground phal howah dekhi kena CCSU aro organizing committee logode congratulate kora thakise. Tai pora kowah toh, CCSU aro organising committee khan government laga motob naloi kena 23 lakhs bonabole parise. Tai pora ground toh standard stadium bonabo karni poisa pora motob koribo koise. Championship deh sobmeli kena 16 teams hesha loi ase. Championship laga cash prize khan: trophy, certificates aro medals logode Rs 2,10,000, Runners up certificate aro medals logode Rs 1,10,000, semi finalisy deh hara Rs 25,000 each, Golden Ball – Rs 10,000; Golden Boot – Rs 10,000; Golden Glove – Rs 10,000 aro Most Promising Team – Rs 15,000.
Add Comment