South Africa jetise Zimbabwe logode

Agencies, 10 October: Tuesday deh Twenty20 laga first match South Africa pora jetise Zimbabwe logode 34 runs pora. South Africa pora 20^th overs laga deh 160-6 bona deh Zimbabwe khan 13^th over deh khali 70-7 bonabole para thakise. Zimbabwe nemideh PJ Moor (44 off 21 balls) aro Brandon Mavuta (28 off 14) pora meli kena 19 balls deh 53 runs bona thakise. Tai khan laga partnership toh Junior Dala pora beya kora thakise. Etu toh Mavuta pora third manu phalli ball phela time deh Lungi Ngidi pora ball thura thakise. Zimbabwe’s khan deri hoi kena otha toh Moor pora 15^th over deh four sixes mara time deh thakise.  South Africa karni Legspinner Imran Tahir pora 5-23 lowah thakise. Etu pora Suth Africa toh 3-0 jeti lowah thakise. International deh first time ola South Africa karni Rassie van der Dussen pora 56 bona thakise. Aro David Miller logode 39 aro captain Faf du Plessis logode 34 pora motob kora thakise.