New Delhi, 18 April : Planet dey 3 degrees Celsius laga warming para duniya dey 10 per cent laga GDP cost kuribo parey, ekta notun research para paishey.
Itu para bhi janiwo parishey ki poorer, tropical desh khan para biya wala effects dikhiwo – 17% tak GDP loss.
Itu study – ETH Zurich para lead kurina, Switzerland dey, aro Nature Climate Change journal dey publish kurina – suggest kurishey ki predicted global economic damage laga aatha toh extreme heat dey related thakibo parey, kitia heat waves toh sobse impactful asey analyse kuria sobse extreme events maju dey.
Itu researchers para agey jani paisheh ki climate change laga daam toh pura duniya dey uthishey, rainfall aro temperatures dey podli hua account kurina kuntu ekta iagah dey ekta short span karney hui.
Global temperatures uthia ke 1.5 degrees Celsius tak limit kuria para itu projected economic damage ke two-thirds para katiwo parey, itu researchers janishey.
Itu study karney, researchers para 33 global climate models chulaishey aro climate indicators ke analyse kurishey kuntu greenhouse gas emissions aro income growth tuita dey bhi 1850-2100 period karney related asey. Itu indicators para yearly average temperature, yearly precipitation aro extreme precipitation milaishey.
Itu authors para acknowledge kurishey ki substantial uncertainties toh thaki asey kitia climate change laga cost impacts ke project kuri asey.
Taikhan kuishey ki uncertainties toh primarily “socio-economic” asey — itu impacts kiman deri persist kuribo aro society kinika bhaal para adapt kuribo paribo.
Add Comment