April 19, 2024: Report isap deh Israel kan para Iran keh hamla kuri shae, Tehran kan para 300 laka upor projectiles kan country deh fire kura piche deh. Tehran laka Fars news agency para Isfahan deh tak army base osor deh teetha explosions kan huni shae kui shae. Iran state TV Channel para country laka defense system para asman deh teetha drones bangai di shae kui shae.
Iran laka weekend hamla keh avenge kuri bole Israel kan vow kuri shae. Iran laka first direct attack kuto Israel deh taki shae, etu tho ekta allege air strike karne jawab ase, kuto nation laka consulate deh hui shae Damascus deh. Iranian President Ebrahim Raisi para taila country deh hamla hui shae kui leh kara para jawab dibo kui nah warning di shae.
Iran laka state media para Isfahan deh taka nuclear facilities kan unharmed taki shae kui shae. Precaution karne Tehran, Shiraz aro Isfahan deh taka Airports laka flight operation kan rukai di shae.
US media para United States kan Israel laka reported strike deh kobor tho advance deh pai nah taki shae kui shae. Hoile b, taikan operation tho endorse kura nai aro part b lua nai. US kan para taikan tho Israel laka defense keh support kuri bo kui shae hoile b offensive operation kan deh part nalu bo kui shae. Country para Iran laka against nutun economic sanctions b announce kuri shae. “Mukan, jawab keh endorse kura nai,” ekta US official para CNN keh kui shae.
Add Comment