MUMBAI, SEPTEMBER 24 : Senior Navy Official pora Monday din Maharashtra, Goa aro Andhra Pradesh kan ekta Aircraft Carrier Viraat koi kena mata najulabole hisabte manai kena thaka ke khushi bai ase koi kena janaise. Aro tai kan 3 jun etu Aircraft toh rakhibole mon thaka (willingness to preserve) hisab te kotha janaide thakise koise.
Vice Admiral Girish Luthra, Western Naval Command Flag Officer Commanding-in-Chief pora khobor kura manu kan ke Maharashtra Sorkar laga Officials kan etu pani chahaz Viraat, Aircraft kan uthai luijaa nemite sabole ahese koi kena janaide thakise. Aro etu pani chahaz nemite Maharashtra kan bi ki-ki saa-baji (studied) kuri thakise. Aro etu oporte etu chahaz nemite ki-ki khobor kan Centre kebi janaidebole ase koi kena etu Vice Admiral pora INS Kochi kan Jammu aro Kashmir Light Infantry Regiment (JAKLI) logot eke pora melekenea mana Ceremony time te janaise koise.
Etu oporte Goa aro Andhra Pradesh states 2 jun bi etu pani chahaz nemite khushi baa ekta janaide thakise koise. Etubi etu pani chahaz toh bhal te rakhibole kuribole lagi koi kena.
Add Comment