BHOPAL, SEPTEMBER 24 : Madhya Pradesh Social Welfare Board Chief Padma Shukla Monday din Bharatiya Janata Party (BJP) pora hatijaise. Etubi 1980 sal porahi BJP Member nemite huikena thaka aro State Cabinet Rank te bi huikena thaka pora. Aro tai edia toh Congress Party nemite huijaise koise.
Kotha kakus ke lekhe kena janaidiya hisabte etu Padma Shukla pora BJP State President Rakesh Singh ke tai BJP Party ke ekdam khushi nabaa janaide thakise. Etu ke tai BJP Party nemite 1980 sal pora hi huikena thaka laga ase. Huilebi Vijayraghavgarh Constituency Post te 2014 sal laga Bye-Polls te BJP Party workers kan ekdam thik thaka nai aro mesa-mese kam kurikena thaka karne tai ekdam khushi ekta nai. Aro etu karne tai BJP Party membership pora ulaijai ase aro hatijai ase koi kena janaise koise. Aro etu oporte ANI khobor te tai bi Madhya Pradesh Minister Sanjay Pathak logot 2 sal kam kurikena thakibole kurise. Huilebi tai BJP workers kan ekdam diktar de thaki aro nahua kam kuride thaki. Etu karne tai ekdam thakibole nabara huise kooi kena janaide thakise. Kele etu nahua kam pora tai aro tai laga workers kan ke ekdam hisab nakurikena thaka pora mon besi bhekhai ase koi kena janaise koise.
Etu Padma Shukla bi khali BJP Party porahi hatijaa nahui. Huilebi Social Welfare Board Chief pora hatijai ase aro ulaijai ase koi kena janaide thakise.
Add Comment