MUZAFFARNAGAR, UP/DHARAMSALA, SHIMLA, SEPTEMBER 23 : Delhi-Haridwar National Highway, Haredi te jaa rasta phale aji pujutte Bus ekta kerise. Etu time te 50 jun manu kan ke jukum kuridese koi kena Police pora khobor te janaise.
Superintendent Police (City) Ombir Singh pora koa hisabte etu chamala toh tai kan jaka pora 25 km duru jaka te hua laga ase. Aro etu Bus bitorte manu kan 60 jun thakise koise. Aro tai kan sob Govindpuri, Delhi pora Haridwar te ki-ki saman (Idol) kan Ganga nuti te bhelabole jai thaka laga ase koise.
Tusera wala Bus kari chamala te 40 sal dangor Conductor murise aro tusera 31 jun jukum huise. Etubi kedia ekta shathi (Wedding Guest) time te bera Bus kari berai thaka time te. Aro etu Bus kari kera toh Himachal Pradesh laga Kangra District, Saturday sam phale kerise koi kena, Officials pora khobor te janaise.
District Deputy Commissioner Sandeep Kumar pora koa hisabte nai-nai koile bi 35 jun manu kan etu Private Bus bitorte thakise. Aro tai kan berai thaka time te thik Bathu Dolong, Ranital jaka osor lag ate kerise. Etubi Shimla pora 200 km dur jaka te. Aro etu chamala hua toh Sunday 7:30 pm phale kera laga ase koi kena janaide thakise.
Add Comment