July 13, 2026: Sustainable agriculture karney ekta significant boost kuri kena, itu Soil & Water Conservation, Mokokchungl aga Department para 35 units laga vermicompost structure khan develop kurishey, Ungma village tey, (CSLDP) 2025-26 under tey, itu National Bank for Agriculture and Rural Development (NABARD) para fund kuri kena.
Itu initiative laga part thaki kena, ekta awareness banawa laga program conduct kurishey, vermiculture opor tey, itu DSCO conference hall tey para, 11th July, 2026 tey, itu select kuri kena thaka beneficiary khan nimitey, tai khan ke thik-thak para management technique khan logotey equip kuriboley karney. Itu session loa pichetey, hih-quality vermi-worm khan distribute kurishey, itu beneficiary khan ke, tai khan laga organic production shuru kuriboley karney.
Itu project laga benefit khan highlight kuri kena, expert khan para emphasize kurishey ki, vermicompost toh hoiley bishi para superior asey, traditional Farm Yard Manure (FYM) para nahoilebi alag conventional organic-enrich kuria property khan para toh. Itu toh hoiley significant para mati laga health bhal kuri diye, crop yield enhance kurey, aru moisture khan aru bhi effective para retain kurey. Farmer khan ke itu region tey, strong para encourage kurishey, active para vermiculture practice khan adopt kuriboley, eco-friendly farming promote kuriboley aru sustainable crop productivity boost kuriboley karney.
