July 13, 2026: Itu District Planning & Development Board (DPDB) meeting, July 2026 nimitey meeting loishey, itu Deputy Commissioner laga Conference Hall, Wokha tey para, 10th July, 2026 tey. Itu meeting toh hoiley, DPDB Chairman & Advisor, Nagaland Government – Mhathung Yanthan para chair kurishey, tatey MLA Mhonbemo Humtsoe bhi thaki kena. Vice Chairman DPDB & Deputy Commissioner Wokha, K. Mhathung Tsanglao para itu session ke co-chair kurishey.
Itu meeting toh hoiley, ekta review para shuru kurishey, jawa muhina laga agenda khan laga, kotey itu Etsutchukha water source pond toh hoiley suki jai thaka kotha kurishey kuntu toh hoiley urgent ekta thaka laga discuss kurishey aru Nagaland State Transport (NST) bus service khan lagi thaka discuss kurishey, kunba propose kuri kena thaka location khan.
Discussion khan kuria tey, National Highway-2 laga maintenance opor tey bhi focus kurishey, kotey engineer khan ke inform kurishey ki, contractor khan toh hoiley 15 din di kena asey, repair kuriboley aru itu highway raasta tey gudda khan thaka toh bhal banaboley. Mati encroach kuria lag aitu highway osor tey, itu opor tey bhi kotha kurishey.
Assistant Labour Commissioner, Wokha, Neimenuo para Labour Department opor tey present kuirhsye, tai khan laga function khan, responsibility khan aru scheme khan detail dikhai kena.
