KOHIMA, OCTOBER 8 : 3rd Din wala Outreach Programme te 7 Child Care Institutions, Kohima district laga kan 135 jun bacha kan hisha kurikena thakise. Aro etu oporte Nagaland Governor, Shri PB Acharya laga junum din nemite bi khushi manaise. Etubi Raj Bhavan, Kohima te 8th October 2018 te.
Governor Acharya porabi bacha kan ke tai laga junum din nemite eman bhal pora khushi laga kotha janaidiya (wish) karne khushi janaise (thanked). Aro etu oporte etu bacha kan laga bhal kam ke sai kena bi tai besi khushi baa janaide thakise. Tai bi etu bacha kan ke sabole thaka kan (care taker and coordinator) etu sob khor ami kan state laga pora ke etu bacha kan laga bhal babuna aro bara (talent) ke janikena thakibole kuribi. Aro etu bhal babuna aro bara toh sob ke janaidebole kuribi koi kena janaide thakise. Etu oporte tai bi sob NGOs kan ami State laga ke etu nesena bhal kam pora etu bacha kan ke ahkete bhal te anedebole kura nemite besi khushi baa aro salam diya janaide thakise koise.
Nagaland Governor porabi bhal institutions kan kobi Banks, Cooperative Societies aro Educational Institutions kan kebi Child Care Institution ulai kena etu bacha kan kunoba manu kan pora rakhibole kura nesena rakhibole kuribi koi kena janaise. Etubi neju-neju jaka te. Kele etu porahi manu-manu majutte (Society) ekta bhal laga kotha hobo karne. Aro etu Institutions kan bi etu bacha kan ke morom kurikena bhal te sabole kuribo lagi koi kena janaise. Etu oporte etu bacha kan kebi Education toh neju nemite hi ase. Etu pora kitab bura ke mon de kena neju nemite ahkete luijabole kuribi koi kena janaide thakise.
Etu din te Nagaland Governor laga maiki, Smti Kavita Acharya porabi etu bacha kan ke bhal kotha aro mon dangor kura kotha janaide thakise. Aro etu din te Special Presentations kan toh Kohima Orphanage & Destitute Home, Open Shelter, Bright Morning State kan dekhaidese. Aro Dance toh Kanili, Kohima Mega Dance Fiesta te Final naam te aha pora kuridese koise.
Etu din laga Programme te Chairperson nemite thaka Lucy Konyak pora bi bacha kan aro Coordinator/Caretakers kan ke Raj Bhavan te khushi pora ahebole dese (welcome). Aro etu Programme toh ahebole laga din te bi ekdam bhal pora yaat te thakibole bari koi kena tai laga babuna janaide thakise. Tai bi etu Outreach Programme toh Governor Acharya porahi suru kurikena manabole kura laga ase. Etu karne tai Governor ke besi khushi baa janaide thakise. Kele etu porahi bacha kan ke ekta bhal opai jaka te anediya huise (opportunity) koi kena.
Ahkete etu din te Governor pora Ceremonial Cake katti dese. Etubi bacha, Officers aro Staff kan sob etu Raj Bhavan te thaka time te. Aro Governor porabi etu bacha kan ke Carom Board, Board Game, Skipping ropes aro tusera kan khelibole karne etu Child Care Institutions te thaka bacha kan ke dese koise.
Add Comment