KOHIMA, OCTOBER 8 : Honourable Mr. Justice L.S. Jamir, Judge Gauhati High Court aro Executive Chairman Nagaland State Legal Service Authority (NSLSA) ke Manipur High Court te Judge No. 2 nemite bataidese. Etu karne NSLSA pora etu bataidebole nemite Programme ekta hisab dekhaidebole karne manaise. Etubi tai thaka jaka te 8th October 2018 te.
Etu din te kotha kurikena etu Honourable Mr. Justice L.S. Jamir pora NSLSA kan etu Panel Lawyers aro Para Legal Volunteers kan logot eke pora melekena kam julabole kuribi. Aro manu-manu majutte alak-alak Sections kan thaka sob ke tai kan laga kam toh kurikena saidebole kuribi koi kena janaide thakise. Tai bi NSLSA laga Member Secretary aro Team kan ke bi besi khushi baa janaise. Etubi alak-alak activities kan nemite kam bhal te julai kena ahkete luiabole kura karne. Etu oporte etu kan sob bhal nemite tai bi NSLSA kan ke ahebole time te bhal te tai laga side pora bi motub kurikena thakibole kuribo koi kena janaide thakise.
Etu din te bhal kotha kurikena Mrs. Mezivolu T. Therieh, NJS, Member Secretary NSLSA laga porabi etu NSLSA kan Honourable Mr. Justice L.S. Jamir laga Leadership bitorte bhal kam kan kurikena jabole laga bhal kotha janaide thakise. Aro tai bi etu Honourable Mr. Justice L.S. Jamir toh ekta bhal manu bhal kam kan jani kena thaka aro khola-kholi manu ase koi kena janaide thakise koise.
Etu din te bi Ms. Akumla Longchari state co-ordinator NSLSA aro Mr. Neiko Kanuo, Registrar Gauhati High Court, Kohima Bench 2 jun porabi bhal kotha kan etu Mr. L.S. Jamir laga janaide thakise. Aro etu din te Registry Gauhati High Court, Kohima Bench, NSLSA aro Kohima District Legal Services Authority laga members kan bi ahe kena thakise koise.
Add Comment