Additional District Magistrate (ADM) Sivsagar, Assam pora 6:00 PM paji pora 6:00 AM paji dak Night Curfew thakibole kotha janaise. Etu ke tai ki huilebi etu Night Curfew toh manabole lagahi ase koi kena janaise. Etubi Assam laga Sivsagar District aro Nagaland State 2 jun melekena thaka Border pora 5 km lamba hisabte. Aro etu Night Curfew thakibole koa toh 23rd August 2018 pora suru kurikena 60 din nemite thakibole ase koi kena janaise.
Etu ADM, Sivsagar porabi kotha janaide kena etu Night Curfew manabole koa toh ki-ki nahua chamala kan nahobole (Anti-Social elements/extremist/unlawful activities) karne hi ase. Etubi Assam aro Nagaland Border jaka, Sivsagar logot melekena thaka ke. Aro ADM, Sivsagar porabi etu Night Curfew time te ki manu huilebi/bhorta jun manu/ki laga kari kan huilebi berabole nadebo. Huilebi Magistrate, Security Personnel kan Army Sepai/CRPF/Police laga kan aro Civil Officials kan ke Duty nemite bataide kena thaka kan kehi etu Night Curfew time te berabole debo koi kena janaise.
Add Comment