Imphal, March 12 : Corruption(poisa kha) laga khilaf te ekta dangor kadam utha te Manipur te 5jun government job kora laga manu ke matti laga record ke olata polta kurikina misa bana nimitey arrest kurisey. Etu arrest tu mati laga asliyat khan check nukurikina misa record bana nimitey Imphal East district commission para duita complaint file kura pichetey hoisey.
Imphal East laga District Commissioner Khumanthem Diana para kuwa hisap te etu mati laga gift deed(ati gift diya laga document) tu Manipur Land Revenue and Land Reform Act 1960 laga nyom laga khilaf te banaisey. Tai para agey barikina koisey ki kanoon laga khilaf te kaam kora manu khan ke rajya laga sarkar para nacharibo.
Police department para FIR No. 27(3)2023 HNG PS u/s 409/420/465/468/471/120-b IPC & 148 MLR & LR Act laga under te bhal para investigation kuribole case register kurisiley.
Puchtach kora homoi tey G. Chinglensana Kabui (51 saal), Moirangthem Sanatomba (48 saal) aro Leishangthem Bishwanath (48 saal) koikina 3jun doshi ke arrest kurisey. Taikhan ke police laga custody te 5 din rakhibole laga prathana kurikina Imphal East laga Deputy Magistrate laga agey te taikhan ke pesh kurisey. Hoilebi taikhan ke police laga custody te March 15, 2013 tak thakiboley adesh disey.
Etu nisna Porompat Police Station para bi Imphal East district laga additional deputy commissioner Shamim Ahamad Shah para ekta complaint paisey. Etu complaint tu poila laga sub-registrar aro tai laga staff para June 8,2022 te sarkar para adesh diya laga khilaf te duita gift deed register kora laga asey.
Taikhan laga khilaf te bi case register kurisey. Aro puchtach kora homoitey Sangolsem Ibomcha Singh (62 umar) aro Khundrakpam Damayanti Devi (59) koikina 2jun manu ke March 11 te arrest kurisey.
Taikhan ke Imphal East laga Duty Magistrate laga agey te 5 din nimitey police custody te rakhibole prathana kurikina pesh kurisiley . Hoilebi taikhan ke police custody te March 13, 2023 tak he rakhibole adesh disey.
Add Comment