July 21, 2020. Pakistan laga pilots khan laga licences scrutiny aro verification kora samay, desh laga Aviation Division para aro 68 pilots khan ke suspended kurikena ase, sob melaikena 161 manuh hoishe. 262 jun laga licences thik nathaka pithor te 28 pilots khan tuh cancelled hoishe aro 161 pilots tuh suspended hoishe koikena Dawn news para khobor thishe. Baki 73 pilots laga decision tuh aha tui(2) din pithor te jania thibo, keli koile aviation division khan “double check” kurikena measures aro decision loboli ase koishe. Tuesday din te government para Supreme Court te report thibo aro air te bera manuh khan safety nemite sabo. Etu kotha tuh federal Minister for Aviation Ghulam Sarwar Khan para National Assembly te 262 Pakistan pilots khan laga licences tuh thik nai kowah karne kora laga ase. Hoilebi, Minister para koishe ke, olop din ake te Pakistan Civil Aviation Authority khan para commercial/airline transport pilots licences (CPL/ATPL) issued kora tuh “genuine aro validly issued” thakishe aro kuan pilots laga licences tuh duplicate nahoi koishe. Sob melaikena 262 pilots oper te 107 jun tuh national flag carrier te kam kura khan ke government laga kotha para lamaishe. Olop din ake te, 28 pilots laga flying licences aro sat(7) jun Pakistan International Airlines te kam kura manuh ke cancelled kuri thishe. Etu kotha tuh Duniyaa sob chaka te bhapana ani thishe, etu nemite airlines aro air safety agencies khan para PIA logot authorization thaka tuh suspend hoishe. Etu nemite te, Pakistan tuh Duniyaa osor te sorom paishe aro dhuniyaa laga aviation industry te sobse tangor scam junai thishe.
Add Comment