Taliban para 8 Afghan Troops ke morishe aro 9 jokom hoishe

Kabul: July 21, 2020. Central Afghanistan te suicide car bomber para Afghan army troops laga convoy hamla kurikena atha(8) sepia morishe koikena defence ministry para koishe. Etu kam tuh Taliban Islamist terrorists khan para hamla kurishe nam loishe. Jaa hafta te be larai tuh Afghan government forces aro Taliban insurgents pithor te hoishe. Tai jun agreement bona pithor te government para 100 neshina Taliban laga manuh khan jailed te thaka nejara nemite hamla kora ase koishe. Statement ekta te, defence ministry para koishe ke, Monday din Wardak province laga Sayed Abad district te car bomber para army troops logot hamla kurikena atha(8) jawan morishe aro nou(9) jun jokom hoishe. Taliban khan para hamla kora tuh nam loishe aro koishe ke, Afghan special forces khan beshi jun morishe aro boila larai te be tai khan laga manuh be beshi morikena ase. United States aro Taliban khan tuh February moina te pact signed kurikena ase, etu signed kora tuh foreign forces khan desh para hatibo aro security khan pithor manuh logot botili kuriboli koishe. Hoilebi, Afghan government aro Taliban khan pithor te kotha kora tuh shanty thakibole aro 18 saal larai kori thaka tuh 600 neshina Taliban prisioners khan ke jariboli ase. Tai jun majot te tangor larai beshi hoikena ase. Doha deal (kotha) kora hesab te, Afghan government para 4,000 oper Taliban laga prisoners ke jarikena ase aro pithor manuh group khan para be 100 neshina government laga sepia ke jarishe koishe.