London. July 20, 2020. UK government para bonai thaka coronavirus vaccines tuh 90 million doses laga contract signed korishe koikena Monday din media par khobor thishe. Vaccines tuh melaikena pharmaceutical companies BioNtech aro Pfizer firm Valneva, para research kuriase laga khobor th BBC para janai thishe. Notun contract tuh Oxford University vaccine logot 100 million doses neshina ase aro etu vaccine tuh AstraZeneca para bonai ase koishe. Hoilebi, vaccines experiment kora tuh kam hobo naa nai koboli naparai. “hosa kotha tuh ami khan logot besi promising candidates boila para thaki-kena kam tuh jaiase”, etu kotha tuh BBC para government’s Vaccine Taskforce, Kate Bingham logot koishe. Tai aro koishe ke, “ hoilebi ami koi ase ke, etu laga kam oper te mon shanty aro besi tuh besas nakoriboli lage. “joti hosa te ami khan vaccines tuh napaile aro ekta paile tuh, ami khan vaccines nepa neshina hoikena virus logot thur thakibole ready lage”.
Etu samay, Education Secretary Gavin Williamson para Monday pujur te BBC ke koishe, vaccine olai thaka tuh “ besi lamba kam ase etu nemite ami khan parai dak jolti te kuriase”, hoilebi, ami khan laga besas ase ke COVID-19 vaccines tuh “winter bechete” olabo. Government laga bhapana tuh half million neshina manuh khan para UK te vaccines nemite trails kora te sign kuribo, aro etu tuh NHS COVID-19 vaccine research registry website te hobo. UK te komti hoilebi, atha(8) tangor scale tuh coronavirus vaccine trials kuriboli ase koishe.
Add Comment