6th Edition Naga Chef

KOHIMA, NOVEMBER 19 : Naga Chef nemite alak-alak jaka pora junibole karne kuri kena thakise. Etu time te 12 jun Contestant toh 1^st Elimination Round karne junidese. Etubi “Culinary Skills”, Mhachaki, Kohima, 19^th November 2018 te hisha thakibole karne. Aro etu 19^th November te mana time te bhal Naga Ingredients aro Cooking Skills kan dekhabole de kena thakise. Etu time te 8 jun manu hi junibole barise. Etu ke 4 jun moda aro 4 jun maiki ase. Aro tai kan sob toh November 20, 2018, Mhachaki, Kohima te “My Signature Dish” hisabte junibo karne hisha kuribole ase koise.Etu Competition te alak-alak Round hisabte manai kena thakibole ase. Kele alak-alak Skills kan saide kena hi bhal ekta Chef aro Entrepreneur hobole baribo nemite. Aro etu Top Contestants kan toh Naga Heritage Village, Kisama te December 1 pora 9 dak, 2018 te hisha kurikena Compete kuribo karne debole ase koise. Etubi Nagaland state laga Hornbill Festival logot melekena manabole karne.Etu Naga Chef toh ekta hutai sal manabole kura laga ase. Etubi Synergy Group Enterprise pora. Aro etu ke Department of Tourism, Government of Nagaland pora motub kurikena ahkete luijabole kura laga ase koise. Aro etu Naga Chef toh Nagaland aro Northeast te ekta bhal Pioneer Culinary Competition ase koise. Aro etu Chef laga babuna toh Naga Indigenous Cuisine toh ahkete luijabole aro sob Naga Cooks kan ke ekta opai de kena ahkete luijabole karne ase. Etubi kun-kun purana zamana time te ami kan Naga manu laga khaa-lua chis kinika khai etu nesena Cook kuribole mon thaka aro tusera duniya kan ke etu Cook kura dekhaidebole kura kan nemite. Etu 6^th Edition Naga Chef te kun cheti etu ke Cash Prize Rs. 3 lakhs debole ase. Aro etu competition laga Final naam te aha kan ke toh bhal Gifts aro Additional Benefits kan babole ase koise. Etu ahebole laga “My Signature Dish” Round te junide kena thaka kan toh Lipok Longkumer, Tokali Jakhalu, Sago Disuang, Mhomo Ngulie, Hechungba Chang, Kethovinuo Temi, Dennis Suohu aro Vikhuli Zhimomi kan ase koise.