KOHIMA, NOVEMBER 19 : Nagaland Police kan Tourism Department logot melekena PHQ, Kohima te Orientation Programme manaise. Etubi 17th November 2018 te. Aro etu manabole kura toh Police Personnel kan majutte husir kurikena thakibole aro Tourist kan nemite bhal Environment anedebole karne ase koise. Etu bejete bi 5 din nemite Training Programme bi Special Squad karne manabole ase koise. Special Squad kan kobi 73 Police Personnel, 50 Mahilas kan 15 IR laga aro 23 Moda Personnel kan DEF Kohima laga kan ami kan state te Tourist laga kam karne thaka kan etu Specialised Training te hisha kurikena thakibole ase. Aro etu ke Nagaland Tourism Associations, All Nagaland Taxi Association, Hoteliers & Restaurants Union, Kohima kan bi melekena thakibole ase koise. Etu Training nemite kotha janaide kena Additional Director (HoD) Tourism, Akhale Vizol pora Tourism aro etu Training laga bhal (Importance) kan janaide thakise. Aro etu nesena toh Tourist Police kan nemite boila porahi babuna kuri thaka laga ase koi kena janaise. Etu ke kotha kurikena IGP (Range), Sonia Singh IPS porabi Nagaland Police laga Motto kobi Security, Service aro Sacrifice hisabte etu nesena chis (Venture) toh “Tourist Police” kan nemite ekta “Face of Nagaland Police” hobole lagi koi kena janaise. Etu din te DGP Nagaland, John Longkumer IPS porabi kotha kurikena Nagas kan toh Hospitality nemite hi ase. Aro etu karne Tourist kan logot etu Tourist Police kan porahi ahkete jai kena ki-ki sabole kuribo lagi. Aro etu Tourist kan ke bhal Welcome kuribo lagi koi kena janaise.
Add Comment