Lordsburg, New Mexico: Thursday din te 7 sal bacha maiki, US-Mexico border crossed kora pijete morise. Ito maiki aro tai laga baba toijon ke US Border Patrol pora arrest korise aro taikhan laga custody te thaka time te ito bacha toh morise. Washington Post laga report hisabte maiki bacha toh thora pijete 8 konta hoikena morise aro tai toh piyas(dehydration) pora mirise koise. Lordsburg, New Mexico osorte ktai jon ke arrest kora thakise. Ito maiki bacha toh Gautemala pora thakise aro December 6 din taikhan 163 jon US border cross kori thaka ase.
Ito khobor toh May moina te ICE family detention center te ekta bacha mora pijete aro honi ase. Donald Trump laga sorkar pora border illegally cross kora khan ke ektum strict kori ase aro US- Mexico laga border te extra security ti ase.
Cynthia Pompa, advocacy manager ACLU Border Rights Center, pora koa toh migrants mora toh jowa sal pise hoise , aro ito toh border crossing komti hoa pijete ase. Aro aji laga hatsa toh ektum dangor piya khobor ase, amikhan manu ke morom bhi harai khotom hoi ase. Ito sorkar laga policies khan pise change koribole lagi”.
Add Comment