NIGERIA: Friday din Nigerian military pora United Nations International Children’s Emergency Fund (UNICEF) oporte suspension tikena thaka toh hataitise. Country laga North East te Ito suspension tikena pise konta bhi hoa nai. Reports hisabte UNICEF laga staff khan Islamist militants logote kotha milai ase koikena ola nimete ito ban toh tiya ase koishe.
Nigeria laka northeast region toh Boko Haram aro tai laga splinter group Islamic State West Africa, pora 10 sal oporte chamela korikena, war hoa nacharikena ase. Ito ke 30,000 oporte manu morikena ase aro millions oporte khor nathakina ase. Nigeria laga North-East jaga toh international laga modot(aid) pora hi joli kena ahi ase.
Friday din , Nigerian military pora koa toh UNICEF pora manu ke army khan ke marible aro war te dushman ke maribole training ti dhaki koikena koishe. Aro UNICEF ke suspend koritishe. Hoilebi olop time pijete arobi, military laga statement hisaab te “UNICEF logote emergency meeting loa pijete aikhan nijor jag ate phal pora kaam korikena. Aro manu ke pajabo nimete. Military pora UNICEF oporte 3 months suspension diya toh aji hatai ti ase “. Koikena statement release korise.
Nigeria laga military pora Human Rights laga pise dangor dangor kulti korikena ase koikena. Taikhan oporte bodnaam ase.
Add Comment