Ohio, US, 18 April : Ekta 81-saal Ohio mota ke hatya karney charge kurishey tai para ekta Uber driver ke golee marina murai dia piche dey. itu victim, kun laga naam Loletha Hall assg, 81-year-old William Brock laga ghor osor dey kunwa golee laga jokhum logot paishey South Charleston dey March 25.
BBC hisab dey, itu incident toh Ms Hall ke Uber app para itu elderly mota laga ghor dey delivery karney package uthawoley pathai thakia homoi huishey. Kitia tai pahunjishey, Mr Brock para taike ekta bandook logot dhamki dishey aro taike hudi thakishey tai kun karney kaam kurey. Mr Brock para tai laga cell phone lui kuisheh aro taike tai laga gaari luina jai jawoley prevent kurishey.
Mr Brock itu piche dey 911 ke call kurina kuishey ki tai para tai laga ghor dey kunwa ke golee marishey, claim kurishey ki Hall para chori kuriboley kosis kurishey. Taike ekta hospital dey lui jaishey huilewi itu piche tatey tai laga jokhum karoney muri jaishey.
Clark County Sheriff laga Office hisab dey, itu elderly mota aro driver taijun bhi scam phone calls laga victim thakishey. Mr Brock toh kunwa para scam call kurisheh kun ekta officer thakia pretend kurisheh kun taike dhamki dina puisa mangia shuru kurishey, authorities kuishey. Ms Hall, officials hisab dey, Mr Brock laga ghor dey ekta scammer para pathaishey aro ekta package uthawoley instruct kurishey. Tai para Mr Brock ke calls ahia toh jani thakianai, authorities kuishey.
Mr Brock toh hatya laga charges samna kuri asey, 15 saal life imprisonment laga potential sentence huwo parey. Taike Clark County Jail para US$200,000 bail post kuria piche dey release kuri dishey.
Uber para Wednesday dey kuishey ki taikhan law enforcement logot touch dey thakishey.
Add Comment