Ottawa, Canada, 18 April : Kom se kom tuita Indian-origin mota toh arrest kuria 6 jun maju dey asey kun ekta brazen multimillion-dollar gold heist laga connection dey dhurushey, Toronto laga main airport dey jaa saal, Canada laga history dey sobse dangor gold chori.
Itu Canadian authorities para itu case dey thakia 3 jun karney warrants bhi issue kurishey, Peel Regional Police (PRP) kuishey.
April 17, 2023 dey, ekta air cargo container kutey 22 million Canadian dollars’ daam laga gold bars aro foreign currency dhurina thakishey, ekta secure storage facility para fake paperwork chulaina chori kurishey, police kuishey. Itu gold aro currency toh Air Canada flight dey Zurich, Switzerland para ahina thakishey.
Kom se kom tuita former Air Canada employees allegedly itu audacious chori dey motut kurishey, police kuishey. Ekta toh itia custody dey asey aro alag wala karney arrest warrant issued kuri dishey.
Indian origin laga tuita manu – Parmpal Sidhu, 54, aro Amit Jalota, 40, tuijun bhi Ontario para, Wednesday dey Ammad Chaudhary, 43, Ali Raza, 37, aro Prasath Paramalingam, 35 logot arrest kurishey.
Durante King-Mclean, Brampton para ekta 25-saal mota itia United States dey hatiyar trafficking-related charges karney custody dry asey, aro investigators toh tai logot aro tai laga legal counsel logot touch dey asey.
Itu arrests toh itu crime dey ekta lamba lengthy probe piche dey janai dishey kuntu jaa saal report kurishey.
Add Comment