Hyderabad, 2 July : Railways Sports Promotion Board (RSPB) Elite Women’s Boxing Tournament te top-performing unit hisab te uthi aahi se, aru overall team title jeeti loishey, total 9 medal loi – 3 gold, 3 silver, aru 3 bronze. Last din te dangor-dangor individual performance bhi dekhaise – World aru Commonwealth Games gold medalist Nitu Ghanghas (Haryana), Olympic medalist Lovlina Borgohain (TOPS), aru World Champion Saweety Boora (SAI NCOE) laga side para, jun-khan nijor-nijor weight category te title jeetise.
SAI NCOE Combined team duita gold milaikena total 7 medal jeetise, aru TOPS Core & Development squad 3 gold medal jeetikena podium complete korise.
Railways laga gold medal winner khan te thakise Babirojsana Chanu (57kg), jun All India Police laga Kamaljeet Kaur ke 5:0 te harai dise; Prachi (60kg); aru Jyoti (51kg), jun Telangana laga Nikhat Zareen injury karone withdraw kori dise tai jeet declare koridise. RSPB aru 3 silver aru 3 bronze medal bhi pai se alag-alag weight category te.
World Champion Nitu 48kg final match te SAI N laga Chanchal ke 4:1 split verdict te haraise aru gold jeetise. Saweety bhi Railways laga Alfiya ke 5:0 unanimous decision te harai disey. Lashu Yadav laga withdraw karone Lovlina ke walkover jeet dishey, aru Preeti 54kg division te gold medal jeetise.
Baki gold medal khan SAI NCOE, TOPS aru state unit khan te bhag kori loishey. Former Youth World Champion Ankushita Boro (65kg) bhi ekta tough 3:2 fight te Railways laga Shashi ke haraikena top podium finish paise.
Add Comment