October 23, 2026, 7:35 PM: President, Nagaland United Sports Club, John Longkumer, IIDAN nimitey Chairman & Chief Minister karney Advisor – Abu Metha aru General Secretary, Nagaland United Sports Club, Lhouvi Punyu para media personnel ke brief kurishey, itu upcoming Indian Football League opor tey, Niathu Resort, Chümoukedima tey, 22nd October, 2026 tey.
Itu media ke address kuri kena, Chairman, IDAN aru Nagaland laga Chief Minister karney Advisor – Abu Metha para khushi thaka laga express kurishey, Nagaland United Sports Club laga participation opor tey, itu Indian Football League (IFL) tey, itu poila bar. Itu league toh hoiley 30th October 2026 tey shuru kuriboley laga schedule kuri asey, Srinagar, Jammu aru Kashmir tey, NUSC toh Real Kashmir FC ke face kuriboley set thaki kena, opening match tey.
Tai para inform kurishey ki, itu tournament toh hoiley, India pura tey play kuriboley asey, alag alag city khan bhitor tey, Chümoukedima, Nagaland bhi thaki kena. Metha para opin kurishey ki, NUSC toh hoiley ekta institution aru movement asey, khali Nagaland tey ekla nahoi, hoilebi itu sob north-eastern state khan aru bishi jaga khan jai kena.
