October 23, 2026, 7:32 PM: Nagaland United Sports Club (NUSC) para tai khan laga entry mark kurishey itu Indian Football League (IFL) Second Tier tey, itu IFL Trophy Tour aru tai khan laga official jersey laga launch kuri kena, Zone Niathu, Chumoukedima tey, 22nd October, 2026 tey.
Tatey jama kuria manu khan ke address kuri kena, Chief Minister Dr Neiphiu Rio para itu sob All India Football Federation (AIFF) ke thanks janaishey, tai khan laga support nimitey aru assure kurishey ki, itu state government toh hoiley sports talent continue promote kuri thakiboley asey itu grassroot level tey. Tai para koishey ki, NUSC toh hoiley sob Naga manu khan laga asey, aru tai akha kuri asey ki itu club toh hoiley jawan chukra chukri khan ke motivate kuribo, aru ekta platform provide kuribo, itu national aru international level khan tey.
Tai para itu Club laga official khan aru coach khan urge kurishey, commitment aru sincere para kaam kuriboley urge kurishey, tai player khan ke discipline, professionalism aru sportsmanship maintain kuriboley karney koishey. Tai para koishey, sports toh hoiley significant opportunity khan offer kurishey, livelihood nimitey aru itu player khan ke, ekta example set kuriboley koishey, itu jawan generation nimitey.
Dr. Rio para football fan khan ke NUSC laga home match khan tey jai kena saboley koishey, Chümoukedima Football Stadium tey para aru ekta strong supportive atmosphere banaboley koishey.
