Australia, 3 July : Itu hapta laga ekta sob se ajeeb khobor te, Kanye West, 48, juntu aji kali legal naam Ye ase, tai Australia te ghusbole ban paise. Itu ban tai laga dangor anti-Semitic kaam khan karone ahise, juntu te ekta controversial gaan “Heil Hitler” bhi release kora thakise. Itu gaana May mahina te independent release korise, kintu Apple Music, Spotify aru YouTube jaga te hatai di se, karon itu gaan Hitler ke mention kore aru anti-Semitic message diye, juntu karone bisi logot backlash ahise.
Australia laga sarkar ekta strong action loi se. Desh laga Home Affairs Minister Tony Burke, ABC laga “Afternoon Briefing” interview te confirm korise ki Kanye West laga visa cancel korise. Itu special provision te korise. Burke koise, “Bohut besi visa cancel korise juntu manuh public speech dibole try kori thakise.” Tai arokhon add kori koise, “Ekjon manuh juntu public advocacy karone na thakile bhi, taikan laga visa cancel korise – tai Kanye West ase.”
Minister koise Kanye West pichilate bar bar Australia ahise, karon tai laga biya kora wife Bianca Censori Melbourne laga ase, aru tai laga family bhi Australia te ase.
Itu faisla ekta dusra visa cancel kuria pichete ahise, juntu ekjon Israeli-American tech advocate ke cancel korise, karon tai publicly koise thakise ki “Islamophobia is rational.” Kitia Burke ke pochaise ki aijaka din te controversial manuh khan tour te jai ase, tai laga visa ban sustainable ase niki, tai spasht koise, “Moi biswas kore ki juntu sustainable nohoi, itu hoise hatred import kora.”
Add Comment