Longleng, 3 July 2025: Additional Deputy Commissioner Longleng, Alongdhimen Jamir, NCS, ke report pai she ke Longleng Town Council (LTC) laga Municipal Dumping Site te, pig aro dusra janwar laga dead body (carcass) ulta way te dump kuri kena ase. Etiya etu kaam karone significant public health hazard aro environmental population tu uthi ase .
Dead animal carcass ulta way te dispose kuri le health aro environment danger te jai jabo pare. Etu area contaminate kuri dise, bimari spread hobo pare, aro etu karone public health khan te bishi problem ani thake.
Central Pollution Control Board (CPCB) laga guideline hisap te, animal carcass scientifically approved method — incineration na hoi lae deep burial use kuri kena dispose kuri bo lage, inika kuri lae danger aro pollution avoid kuri bo paribo.
Environment Protection Act laga under te, pollution rukha bolae aro environment safe rakhibo lae nimite legal rule rakhi she. Ministry of Environment, Forest and Climate Change (MoEFCC) pora diya Solid Waste Management Rules hisap te, sob waste, including animal carcass, correct way te dispose kuri bo lage etu khan bisi important ase.
Rules khan hisap te, enika waste khan ke “hazardous waste” na hoi lae “bio-medical waste” category te rakhi bho lage, aro etu ke properly alag , treat , dispose kuri bo lage.
Etia, enika situation te, ADC declare kuri ase ke group hoi lae bhi individual hoi lae bhi dump ,abandon aro dispose of animal carcass _ Longleng Town Council laga Municipal Dumping Site aro kunba open space te feka bo na paribo .keta bhi enika order ulta kuri le, law hisap te punishment dibo.
Add Comment