Los Angeles, July 4 2025 : Singer Katy Perry aro actor Orlando Bloom officially confirm kuri she ke tai jon 9 years pora relationship te thaka piche te alag hoi jai she. Tai jun tu 2019 te engaged hoise, aro statement te koi dise ke past few months pora tai jun laga relation change hoi jai ase ke lae koi lae tai khan laga bacha ke he bishi focus kuri bho lae, Daisy Dove, tu 4½ years ase. Representative khan koi dise ke Katy aro Orlando ekta family hisap te dikhi bho , karon tai khan laga ekta he priority ase – tai laga bacha ke love, stability aro respect logot bhal pora upbringing kuri bo.
Katy aro Orlando tu 2016 te first time lok pai she etu Golden Globes laga party tu khotom ho piche aro Cannes Film Festival te tai khan laga relationship official banai dise. 2017 te ekbar break up hoi kena aro olop years ho pitche te tai jun 2019 etu bhi Valentine’s Day te engagement hoise. August 2020 te, tai khan laga first baby Daisy Dove tu pai she. Tai jun laga wedding tu Japan te kuri bho lae plan thaki she, hoi lae bhi pandemic karone bishi deri hoi jai kena kicha bhi kuri bho para nai.
Recently , Katy Adelaide te stage performance de thaka time te tai emotional hoi jai she, Australia public ke thanks dise tai khan laga support karone. Aro alak side te Orlando Instagram te Carl Jung laga emotional quotes share kuri she – loneliness aro sadness ke leke.
Even though tai khan romantic relation te alag hoi jai lae bhi , Katy aro Orlando laga bacha karone eki logo te thakibo, mutual respect aro love logo te parenting bhi continue kuri bo.
Add Comment