Mumbai, July 4 2025: Ranbir Kapoor laga upcoming movie Ramayana duita part te worldwide release hobo — Part 1 Diwali 2026 te aro Part 2 Diwali 2027 te release hobo lae ase. Recently tai lai laga Film teaser tu release ho piche te public pora bishi praise kuri she, especially VFX aro music karone. Film te Ranbir Kapoor Lord Rama role te ase, Sai Pallavi as Sita aro Yash as Ravana.
Etu grand project laga mastermind tu Namit Malhotra, film producer aro VFX expert ase.
Tai Prime Focus company establish kuri she aro etu tu Mumbai te mid-1990s pora tai laga baba laga garage pora suru hoi she . Later, Video Workshop logot merge kori kena aro, London laga Double Negative logot milai kena DNEG banai she. DNEG tai laga leadership te 8 Oscar jiti she Best Visual Effects category te — Inception aro Dune: Part Two jonna.
Mumbai te teaser launch time te Namit Malhotra describe kuri she ke, Ramayana ekta cultural movement ase sob Indian karone. Tai pora aro janai de she ke, “etu history retell no hobo, aro India laga legacy pura duniya ke dekhai debo.” Tai global talent logo te melai kena, authenticity aro emotion logot film bona bole janai dise. Teaser Brahma, Vishnu aro Shiva pora suru hoi kena, animation te characters dikhai ase.
Ramayana film ekta historic, emotional aro high-tech cinematic experience hobo koi kena expect kuri ase, aro pura duniya ke India laga story proudly present kuri bo.
Add Comment