California, 05 July 2025 : Northern California laga Yolo County, Tuesday din te Esparto laga osor te ekta fireworks warehouse te dangor explosion hoise, etu incident karone 7 jon missing hoi she. Etu blast ekta choto farming community ke dangor impact dise, aro spot fires bhi suru kuri dise. Etu khan karone Fourth of July laga celebration bhi cancel hoi she. Friday din, Yolo County officials confirm kuri dise ke site te human remains paise. Coroner’s Division site te jaise aro missing manu khan laga family logot contact kuri she, hoi lay bhi etiya tak kun ke bhi identify kuri bho para nai.
Etu warehouse “Devastating Pyrotechnics” company chulai thaki she, 30+ years pora dangor fireworks show banai thaki she. Company laga office San Francisco aro Esparto duita jagah te thaki she aro Website tu hatai dise, hoi lay bhi aro company statement di dise ke tai pura cooperate kuri bo lagi bo officials khan logo te.
Dusra incident Southern California, Los Angeles te Thursday rati te hoise, hoilae bhi fireworks-related fire thaki she aro charta ghor pura juli jai she. Ekta manu tu site te mori kena paise, ekta mahila critical condition te hospital te ase. 4 jon smoke inhale kuri kena treatment paise, aro animal khan bhi injured hoise. Firefighters ja bole time te fireworks erupt kuri thaki she, aro rati te tu control te anise. Los Angeles Fire Department bhi etu fire laga cause investigate kuri she. Duita incident sob fireworks handling aro storage te thaka khan tu dangerous ase koi kena highlight kuri dise, especially celebration time te.
Add Comment