Patna, July 5 2025: Patna laka famous businessman aru Magadh Hospital laka malik, Gopal Khemka, Friday rati te Gandhi Maidan area te ghor osor murder koridishe. Etu incident Gopal Khemka laka bacha, Gunjan Khemka, 6 sal age Vaishali district te same dhorika te murder kora hoishe.
Police koishe ki shooting 11:40 pm te Ram Gulam Chowk, Twin Tower residential complex laka osor te hoishe , jetiya Khemka gari pora uthi thakishe. Unidentified attacker khan osor pora goli marishe. Taike joldi hospital te loi jaishe hospital te hoilebe punchi time te declare koridishe ki tai murijaishe.
City Superintendent of Police (Central), Diksha, koishe ki forensic team ekta bullet aru ekta shell casing scene pora recover korishe. Police CCTV footage bhi check kori ase aru suspect ase ki attacker khan bike te aishe. “Ami sob angle pora investigation kori ase ki attacker khan ke dhoribole aru motive bujhibo karone,” Diksha koishe.
Etu murder hoi thakishe jetiya Nitish Kumar laka BJP-JD(U) government Bihar te dangor criticism face kori ase karon crime bishi barhi jai ase. Etu incident hobo age, Siwan te tinjon manu goli mari dishe aru duijon injured hoishe .
RJD leader Tejashwi Yadav aru Purnea MP Pappu Yadav dangor bhabi state government ke criticize korishe. Pappu Yadav remind kuri dishe ki Gopal Khemka laka son bhi 7 sal age murder kora hoishe aru jodi etu time te taikhan government strict action loishe koile, etia Gopal Khemka zinda thakibo paribo. Duijon leader koishe ki Bihar te crime ekdom control bahar hoishe.
Add Comment