Mumbai, July 5 2025: Shiv Sena (UBT) leader Uddhav Thackeray Saturday din Maharashtra Chief Minister Devendra Fadnavis ke strongly criticize kurishe, state government laka Hindi school te compulsory banabo try kuri karone. Tai question kurishe ki BJP etu kotha West Bengal aru Tamil Nadu te try kuri lobo paribo niki.
“Devendra Fadnavis, apuni koishile ki apuni language hooliganism bardash no kuribo. Ekta Marathi manu dekhai dibi, juntu bahar jai kina Marathi language force kure,” Uddhav koi ase.
Uddhav ekta dangor joint rally te kotha kuri ase, juntu Maharashtra Navnirman Sena (MNS) aru Shiv Sena (UBT) supporter logot hoishe. Tai ta laka cousin Raj Thackeray logot 20 sal piche te ek sat kura. Tai clear kuri dishe ki kunba language ke oppose nohoi, kintu kunba language joborjosti kurile, nijor laka power dekhaibo.
Etu comment tai kurishe jitu karone Maharashtra government April 16 order change kurishe, juntu Hindi ke Classes 1 pora 5 tak English aru Marathi medium school te compulsory kuri dishe. Public protest karone, government June 17 te Hindi ke optional kuri dishe. MNS aru Shiv Sena (UBT) alak political party, artist aru writer ke invite kurishe etu decision oppose kuribole.
Tamil Nadu Chief Minister MK Stalin aru West Bengal Chief Minister Mamata Banerjee bhi centre government laka Hindi non-Hindi state te joborjosti impose kuribo try kuri koikene oppose kurishe. Stalin etu ke “Hindi colonialism” koishe, aru Mamata Banerjee koishe ki sob state laka alag alag language aru identity ase.
Union Home Minister Amit Shah age koishile ki Hindi kunba Indian language laka dushman nohoi, etu sob language laka sati ase koikene.
Add Comment